Дазвол на навучанне і від на жыхарства

Калі вы плануеце навучацца ў Швецыі больш за тры месяцы, вам неабходна атрымаць від на жыхарства для студэнтаў. На тэрмін навучання менш за тры месяцы дастаткова атрымаць візу. У гэтым выпадку вам неабходна запоўніць спецыяльную анкету для студэнтаў. Ваша заява будзе накіравана ў Міграцыйную службу Швецыі на разгляд.

Увага!

Студэнты, прынятыя на навучанне ў адукацыйныя ўстановы Швецыі, павінны падаваць заявы на від на жыхарства асабіста.

Студэнтам вышэйшых навучальных устаноў, пры падачы дакументаў і афармленні візы або віда на жыхарства, неабходна мець медыцынскую страхоўку на ўвесь перыяд знаходжання, у выпадку калі курс навучання не перавышае 1 год. Гэта правіла не распаўсюджваецца на студэнтаў, якія праходзяць курс навучання ў сярэдніх навучальных установах.

Усе дакументы падаюцца ў двух экзэмплярах.

• Нацыянальны пашпарт (сапраўдны як мінімум тры месяцы з моманту заканчэння дзеяння запрошваемага дазволу на працу і віда на жыхарства);
  
  
• пацверджанне ад навучальнай установы Letter of admissions пра залічэнне на вочнае аддзяленне з пазначэннем перыяду навучання, прадмета вывучэння і ўмоў пражывання;
  
  
• пацверджанне наяўнасці фінансавых сродкаў для пражывання ў Швецыі на працягу ўсяго перыяду навучання (з разліку 7300 шведскіх крон у месяц – выпіска з банкаўскага рахунка заяўніка альбо  ліст аб прадстаўленні стыпендыі;
  
  
• пры наяўнасці пацверджання аб тым, што вам прадстаўляецца бясплатнае пражыванне і харчаванне, гэта сума можа быць зменшана;
  
  
• анкета для атрымання дазволу на працу і віда на жыхарства Application by Students and Doctoral Students, запоўненая на англійскай або шведскай мовах;
  
  
• ксеракопіі ўсіх запоўненых старонак пашпарта, акрамя мытных адзнак, а таксама старонкі з фатаграфіяй;
  
  
• тры фатаграфіі памерам 3,5х4,0 см (здымкі не больш як 6-месячнай даўнасці);
  
  
• асобам, якія не з'яўляюцца грамадзянамі Беларусі, неабходна мець копію рэгістрацыі ў Беларусі, сапраўдную на працягу як мінімум трох месяцаў з моманту запланаванага вяртання са Швецыі.
  
  
• консульскі збор складае 110 EURO.

Консульскі збор не бярэцца:

- са студэнтаў World Maritime University ў Мальмё;
- са студэнтаў, якія атрымалі стыпендыю на навучанне ад Tempus, Tacis, Агенцтва па міжнародным супрацоўніцтве ў галіне развіцця (SIDA) або Шведскага інстытута (Svenska Institutet).